--------------------------------------------------------------------------------

ونقول سلامو عليكوا

كتير منا بيعيش الحياة موجة تجيبه وموجة توديه وتحدفه بعيد اوى اوى بس بيفضل جوة الانسان دايما الاحلام فى ناس الاحلام جواها بتموت وتبقى ذكرى وفى ناس عايشة بالاحلام وبتحاول تحققها وناس عايشة على الاحلام ومستنيه الفرصة

فى حياة كل انسان فينا فى اكيد لحظةتحول لحظة وقف فيها مع نفسه وبقت نقطة تحول اتغيرت عندها حياته وانا عشان منكم وليكم هبدأ وهقر واعترف بالاتى:

اقر واعترف انى انسان ...انسان حالم بالحرية
انسان عاش على الاحلام ..احلام بعيشة جميلة نقية
معرفش فين البداية او النهاية بس عارفة ان الناس لازم منها وقفة قوية
ناس تموت وناس تعيش والاحلام هي هي
عايشة فى قلبى وبتكبر ودايما بودها بين لحظة والتانية
تفتكر يا زمانى هنرجع نعيش من تانى بالدنيا اللى ياما حلمت تعيشها فيا
ولا هييجى الوقت عليك وتقول يا ريت كنت فى زمان غير اللى اتولد فيا


دى كلمات كتبتها وانا بكتب الموضوع ده معرفش حسيت انى عاوزة اكتبها واتمنى تقولولى ايه المواقف اللى كانت محتاجة اتخاذ قرار يحدد مصير وتعترف بين اخواتك بحاجة غيرت حياتك وافتكر دايما ان احنا انسان مش كل مواقفنا صح ومش كلها اكيد غلط قرارات بتطلع مننا وممكن نندم عليها بس هى حصلت خلاص ومش راجعة تانى...وعلى راى الست سوما قول للزمان ارجع يا زمان