آسف أنا في جيتي لك تسرعت..
ظنيت الاقي فيك شي فقدته
كنت احسبك من مر جرحك تجرعت..
حبيت فيك احساس طفل لمحته
لو قلت آآه بوسط روحي توجعت..
ولو شفت دمعاتك شعوري سكبته
ولو تطلب عيوني أبدا ما تمنعت..
و أعطيك قلبي لو بعد ما طلبته
وصلت بك أعلى مكان وتربعت..
وفي قلب غيري يا ألغضي ما وصلته
واصبر على صدك..وأشوفك تدلعت..
وأعطيك ود وما أظنك حسبته
أذهلتني بطباعك اللي تطبعت..
حتى قصيدي فيك أبدا ما فهمته
لو كان غاياتك حروفي فانا بعت..
وافرح بجرح الشاعر اللي جرحته
وأرجوك من صدك تراني تشبعت..
خلك مع اللي عاجبك اوعجبته
يكفي قهر في جيتي لك تواضعت..
تركت غيرك لجل عينك وبعته
يا ليتني عن حب مثلك ترفعت..
ياليت قلبي قبل أعرفك دفنته
لكن ابعد دامني بك توهقت..
الله يرحم حبنا اللي ذبحته
انا شريت الود والحين أنا بعت..
وأنا عطيتك قلبي اللي قهرته
كمل حياتك مثل ما أنا توقعت..
تبقى أسير الماضي اللي فرضته
ولا يحزنك إني جبان وتراجعت..
حولك بدالي ألف شخص عجبته
اما انا لايمكن اخضع ولاطعت..
يحرم علي اعطيك قلب خذلته
بريحك من شوفتي يوم قاطعت..
اسلوبك اللي به تجامل كرهته
غلطان يالمقفي انا ماتتبعت..
غيري يتابع خطوتي ماتبعته
ما ينحني راسي لواني تقطعت..
وما هو بنا من لارميته لقطته
وان كان غرك حكي عذالي وطعت..
الله يعلم كيف قلبي سكنته
اللي ملا قلبك علي وتسمعت..
خله يعوض شخص مثلي خسرته
انا بمافيه الكفاية تولعت..
واللي بقى من قلب فيني حرقته
وان شفتني صدفه بعينك تطلعت..
ذكرتني بإنسان غالي فقدته
باول لقا سلمته احساسي وضعت..
غلطة حياتي يوم قلبي سلبته
واستسمحك في البعد كأني تراجعت..
ما عاد ابلقى فيك شي فقدته
طبعك مثل غيرك وطبعي كما كنت..
أحب شخص ولا تركته.. تركته
موضوع: آسف 
الأربعاء أكتوبر 24, 2007 3:14 am
